Pas vendimit të Gjykatës Supreme do të bëhet certifikimi i kandidatëve të subjekteve politike për të cilat ka urdhëruar ky institucion dhe PZAP-i.
Gjatë ditës së djeshme Gjykata Supreme ka vendosur lidhur me ankesat e partive ndaj vendimit të PZAP-it, sa i përket certifikimit të kandidatëve për deputetë, raporton Demokracia.com
Një ditë pas këtij vendimi, KQZ pritet që sot të zhvillojë mbledhjen e radhës ku do të bëhet certifikimi i kandidatëve për të cilët kanë urdhëruar këto dy institucione.
Kjo është konfirmuar për Demokracia.com nga zëdhënësi i KQZ-së, Valmir Elezi.
“Pas vendimit të Gjykatës Supreme do të bëhet certifikimi i kandidatëve të subjekteve politike për të cilat ka urdhëruar PZAP-i dhe Gjykata Supreme.”, ka thënë Elezi.
Kujtojmë se Gjykata Supreme gjatë së premtes ka marrë vendim që të mos i certifikojë disa kandidatë për deputetë, e në mesin e tyre janë Albin Kurti e Albulena Haxhiu nga Lëvizja Vetëvendosje.
Ndërkaq në AAK, është certifikuar vetëm një prej kandidatëve për të cilët ishte dërguar ankesa, e që bëhet fjalë për Shemsedin Dreshaj.
Sa i përket Nismës Socialdemokrate, Supremja e ka refuzuar ankesën e këtij subjekti politik duke mos i lejuar 12 kandidatë të garojnë në zgjedhjet e 14 shkurtit.
Ky institucion ka vendosur po ashtu edhe për ankesat e PAI dhe NDS./Demokracia.com
LEXO edhe:
Ky është vendimi i plotë i Gjykatës Supreme lidhur me partitë që u ankuan për vendimin e PZAP-it