Shefi i GP të AAK-së, Besnik Tahiri, në seancën ku po diskutohet formimin e Komisionit Hetimor, ka kërkuar nga Lëvizja Vetëvendosje që të votojë formimin e këtij komisioni, që sipas tij do të hetojë disa nga proceset që kanë ndodhur së fundmi në vend, përfshirë punësimet në KEK, shtrenjtimin e tarifave të energjisë e të tjera.

“Iniciuesi është PDK-ja. Unë nuk jam në PDK. Unë jam kryetar i Grupit Parlamentar të AAK-së dhe si deputet kam nënshkruar një kërkesë të iniciuesit që shpeshherë ka ndodhur që kolegë deputetët të këtij grupi mos me nënshkru një kërkesë të opozitës që rrjedhimisht nuk janë iniciues. Kam kërkesë për ty kryetar dhe znj. Kusari -Lila. Është e domosdoshme që nëse dojmë me pas një frymë të një bashkëpunimi afatgjatë për çështje të rëndësishme kërkojmë nga ku që të merrni seriozisht dhe të votoni. Ju themi troç, nuk do të kalojë dhe nuk do të heshtimin dhe nuk do të pranojmë mos themelimin e këtij Komisioni”, tha ai.

Ai po ashtu deklaroi se nëse pozita mendon se ky Komision është antikushtetues, çështja sipas tij mund të dërgohet edhe në Gjykatë Kushtetuese.

“Nëse ju mendoji që ky Komision është jokushteteues adresoni çështjen në Gjykatë Kushtetuese. Mem ba mua iniciues kur nuk jam iniciues, jam nënshkrues. Deputetët e AAK-së janë nënshkrues të një inicimi që e ka nisur PDK-ja. Pyetja shtrohet këtu z.Konjufca dhe deputetëve. Çka jemi tu mshef. Pse nuk po bëjmë hetim parlamentar për çështja thelbësore që janë nis. Pse mos me pas një hetim parlamentar ku shumica e anëtarëve janë VV dhe të shohim se a ka reaguar qeveria me kohë në krizën energjetike. Tarifat a janë të drejta apo jo, cila është rrjedha, lidhja në mes të KEDS, KEK e kështu me radhë. Punësimet në KEK. Pse mos me bë një hetim, çfarë po fshihni”, tha ndër të tjera ai. /Demokracia.com/