Para nisjes së takimit trepalësh në Bruksel mes kryeministrit Albin Kurti, presidentit Aleksandar Vuçiq si dhe Përfaqësuesit të Lartë të BE-së, Josep Borrell si ndërmjetësues, Vuçiq ka dërguar një mesazh për popullin serb.
Vuçiq, në mesazhin e tij në rrjete sociale, ka falënderuar të gjithë ata që i besojnë lidershipit të tij.
“Faleminderit të gjithëve që i besojnë lidershipit të shtetit të tyre dhe që besojnë ne do ta bëjmë më të mirën për shtetin tonë”, ka shkruar presidenti serb.
View this post on Instagram
Kryeministri Kurti, dhe presidenti Vuçiq kanë filluar takimin e radhës në Bruksel, me ndërmjetësimin e shefit të politikës së jashtme të Bashkimit Evropian, Josep Borrell, dhe të dërguarit të BE-së për dialogun Kosovë-Serbi, Mirosllav Lajçak.
Paraprakisht, dy udhëheqësit u takuan veç e veç me zyrtarët evropianë.
Ata, po ashtu, takuan të dërguarin e SHBA-së për Ballkanin Perëndimor, Gabriel Escobar.
