Rusia ka përdorur raketat e reja hipersonike Kinzhal për herë të parë në Ukrainë të premten, duke shkatërruar një depo të armëve në perëndim të vendit, tha Ministria e Mbrojtjes së Rusisë.

“Sistemi raketor i aviacionit Kinzhal me raketa aerobalistike hipersonike ka shkatërruar një depo të madhe nëntokësore ku ruheshin raketa dhe municione të aviacionit në fshatin Deliatin në rajonin Ivano-Frankivs”, tha të shtunën Ministria e Mbrojtjes së Rusisë.

Por çfarë lloj arme janë ato?

Raketat hipersonike mund të fluturojnë në atmosferën e sipërme me më shumë se pesë herë shpejtësinë e zërit, raporton BBC, transmeton Demokracia.com.

Ato konsiderohen më të manovrueshme se raketat konvencionale dhe janë më të afta të shmangin përgjimin nga mbrojtja ajrore.

Ministria ruse e mbrojtjes tha se raketa e përdorur për të shënjestruar depon e armëve në Ukrainë ishte në gjendje të arrinte objektivat në një rreze prej më shumë se 2,000 km.

Vitin e kaluar, Rusia tha se kishte testuar me sukses një raketë hipersonike nga një fregatë në Detin e Bardhë në brigjet e saj veriperëndimore.

Ai tha se synonte të përfshinte armën kur armatoseshin kryqëzorët dhe nëndetëset ruse.

Së bashku me Rusinë, Kina, SHBA dhe të paktën pesë vende të tjera po punojnë në teknologjinë e raketave hipersonike./Demokracia.com/