Nga të qenit një mbrojtje kundër gripave deri në luftimin e sëmundjeve të rënda, shegët kanë vërtetuar se janë mbrojtëse të shkëlqyera të trupit tonë.

Ato janë të pasura me antioksidantë dhe kjo është arsyeja pse ato mund të luftojnë shumë ndërhyrës që na shkaktojnë dhimbje dhe inflamacion. Ndërsa shumë përfitime përmenden në internet, vetëm disa janë vërtetuar nga shkencëtarët.

Demokracia.com ju sjell 6 dobitë e shegës për shëndetin tonë.

1. Mund të mbajë viruset dhe gripat sezonal larg

Me lëngun, farat dhe madje edhe lëvoren e tyre, shegët mund të mbrojnë trupin tuaj nga virozat. Lëngu, veçanërisht, mund t’ju mbrojë nga tërheqja e viruseve nga ushqimi i infektuar. Gjithashtu, ekstrakti i frutave, që është një burim i shkëlqyeshëm i Vitaminës C, ka treguar se është një mbrojtje e madhe kundër gripit të zakonshëm.

2. Mund të ulë tensionin e lartë të gjakut

Është zbuluar se vetitë antioksiduese të shegëve ulin me sukses hipertensionin dhe presionin e lartë të gjakut. Një studim ka treguar se ata që vuajnë nga këto gjëra duhet të konsumojnë të paktën 240 ml në ditë në mënyrë që të fillojnë të shohin rezultate. Gjithashtu, ata duhet të sigurohen që lëngu i shegës është 100% natyral pa sheqer të shtuar.

Një mënyrë tjetër që shegët ndihmojnë në presionin e gjakut është përmes kaliumit. 100 gramë shegë përmban 236 gram kalium, diçka që ndihmon në ruajtjen e shëndetit të kockave tona dhe funksionimin e zemrës sonë.

3. Mund të përmirësojë problemet e tretjes

Njerëzit që luftojnë me sëmundjet e tretjes kanë shumë probleme me stomakun, që rezulton në uljen e oreksit dhe humbjen e peshës, ndër të tjera. Arsyeja për këtë është grumbullimi i baktereve brenda stomakut që shkakton inflamacion të rëndë. Një zgjidhje që shumë studime kanë gjetur të jetë e dobishme, është konsumimi i shegëve. Ekstrakti i frutave është një mbrojtës dhe sulmues i mirë kundër atyre baktereve që shkaktojnë dhimbjen.

4. Mund të përmirësojë kujtesën, sidomos tek personat që vuajnë nga Alzheimeri

Ky ishte përfundimi i studimeve të Dr. Hartman, ku ai u dha pilula shegë pacientëve që ishin gati të operoheshin në zemër. Pilula e parë u dha një javë para operacionit dhe e dyta, 6 javë pas. Pacientët vunë re se kujtesa e tyre ishte 100% e paprekur dhe madje edhe më e mirë se më parë. Nga ana tjetër, pacientët që nuk morën pilula përjetuan humbjen e pritshme të kujtesës që pason një operacion.

Dr. Hartman shkoi edhe më tej duke thënë se ai kishte disa prova që pilulat ndihmuan në krijimin e më shumë neuroneve në tru. Kjo nuk do të thotë që ai gjeti një kurë për Alzheimerin. Thjesht do të thotë që konsumimi i shegës nga një moshë e re mund të ketë përfitime të mahnitshme.

5. Mund të përmirësojë diabetin

Është zbuluar se nivelet e larta të sheqerit të lidhur me diabetin mund të kontrollohen thjesht duke ngrënë një shegë çdo ditë. Këto fruta mund të zvogëlojnë stresin oksidativ i cili është shkaku kryesor i diabetit. Ato gjithashtu zvogëlojnë llojin e keq të kolesterolit, duke ndihmuar në ruajtjen e një niveli relativisht të ulët të sheqerit në gjak.

6. Mund të përmirësojë shëndetin e kockave dhe dhimbjet e artritit

Në një studim të vitit 2011, u zbulua se vaji i farës së shegës mund të lehtësojë butësinë e nyjeve. Për më tepër, shkencëtarët kanë gjetur prova të rëndësishme që tregojnë se si antioksidantët e frutave mund të luftojnë me sukses artritin. Jo vetëm kaq, por mund të përdoret nga çdokush në mënyrë që të rritet fuqia dhe funksioni i tyre i kockave.

Kjo u provua më tej në një studim të vitit 2016, ku pjesëmarrësve iu dha 200ml lëng shege çdo ditë. 6 javë më vonë, ata vunë re se ngurtësia e kockave të tyre u zvogëlua dhe funksioni i tyre fizik u rrit.

A konsumoni ju shegë, dhe nëse po a keni vënë re ndonjërën nga këto benefite? /Demokracia.com