Gjumi i mirë është çelësi i shëndetit dhe mirëqenies së përgjithshme. Nëse nuk e pushoni trupin, do të ndiheni keq fizikisht, dhe sjellja juaj do të ndryshojë, kështu që përqendrimi juaj do të reduktohet.

Një natë pa gjumë të mirë dhe të shëndoshë mund të dëmtojë cilësinë e një jave të tërë.

Fondacioni Sleep thotë se mungesa e gjumit për një periudhë të gjatë kohore mund të krijojë probleme shëndetësore afatgjata. Gjithashtu mund të ndikojë negativisht në marrëdhëniet dhe punën tuaj, madje mund të çojë në depresion.

Sipas Google, duke kërkuar për pyetjen “pse jam gjithmonë i lodhur?” këtë muaj është rritur me 500 për qind dhe në 18 vitet e fundit është kërkuar më shumë se çdo temë tjetër.

Ka shumë faktorë që mund të na lodhin, por kohët e fundit shkaku më i zakonshëm dhe kryesor i lodhjes është stresi.

“Shumë prej nesh janë në krizë për më shumë se një vit. Kemi të bëjmë me kushte të padurueshme si puna nga shtëpia, klasa online për fëmijët, pikëllimi për humbjen e të dashurve dhe miqve, apo vetmia,” tha ekspertja e gjumit Jasmine Lee.