Euguen Cakolli nga KDI ka bërë me dije se sa po i kushtojnë buxhetit të shtetit deputetët, të cilët ende nuk e kanë bërë konstituimin e Kuvendit.

Ai ka treguar se në seancën e sotme kanë ardhur me nga 2 mijë e 600 euro më shumë në xhirollogaritë e tyre.

Në profilin e tij në “Facebook”, Cakolli ka shkruar se këta deputetë buxhetit të Kosovës po i kushtojnë mbi 300 mijë euro në muaj.

“Kuvendi i bllokuar qe një muaj e gjysmë. Por për deputetët, kjo nuk është problem. Sepse sot erdhën në seancë me nga 2,600 euro më shumë në xhirollogari. Si kompensim për… 24 dështime radhazi. Pra, në total, mbi 300 MIJË euro paga nga taksat e qytetarëve – për më pak se dy orë punë efektive, e pa asnjë vendim të marrë”, ka shkruar ai.