Bugatti Chiron Super Sport është super makina e re e ëndrrave të shtëpisë franceze që paraqet aerodinamikën e re dhe performancën e përmirësuar, ndërsa kushton 3.5 milionë euro.

Makina u krijua për të maksimizuar performancën pa dëmtuar luksin dhe komoditetin. Kompania franceze në pronësi të Volkswagen Group do të fillojë prodhimin e Chiron Super Sport në Molsheim në vitin 2022 me 3.5 milionë euro për njësi.

Inxhinierët kanë punuar për të siguruar forcën maksimale, pasi makina arrin 440 km/orë. Sipas prodhuesit, drejtimi është më “i qëndrueshëm” dhe amortizuesit më të ngurtë. Ndryshime u bënë edhe në shasinë e kontrolluar elektronikisht që rregullon cilësimet e makinës në kohë reale, duke iu përshtatur sjelljes së pilotimit.

Gomat e sapo zhvilluara Michelin Pilot Sport Cup 2, të optimizuara për të siguruar performancë maksimale me shpejtësi të lartë, sigurojnë gjurmën e duhur në rrugë.

Në brendësi makina është e pajisur sipas traditës ndaj dhe përmban një përzierje elementesh të tilla si lëkura dhe alumini i lëmuar, së bashku me aplikimet e fibrave të karbonit.