Qeveria britanike ka nxjerrë një udhëzim të ri që synon të ndalojë përdorimin e telefonave në shkolla.

Ministrja britanike e Arsimit, Gillian Keegan tha se ministria është konsultuar me drejtorët për udhëzimet dhe beson se masat do të ndihmojnë në marrjen e vendimit përfundimtar për ndalimin e përdorimit të celularëve.

Udhëzimet u ofrojnë shkollave një sërë mënyrash për të zbatuar ndalimin, duke filluar nga urdhërimi që të gjithë telefonat të lihen në shtëpi, deri te dorëzimi i telefonave pas mbërritjes, mbajtja e tyre në dollapë të paarritshëm, ose lejimi i nxënësve që t’i mbajnë ato për aq kohë sa nuk i përdorin ato.

Sipas të dhënave të Ofcom, 97 për qind e fëmijëve nën moshën 12 vjeç kanë të paktën një smartphone.

Ekziston gjithashtu një shqetësim më i gjerë se fëmijët mund të kenë akses në përmbajtje të dëmshme në telefonat inteligjentë. Prindërit gjithashtu do të duhet të përfshihen në ndalim, duke kontaktuar studentët përmes zyrës së shkollës dhe jo drejtpërdrejt.