Rreh 8 mijë trupa të ushtrisë britanike do t’i bashkohen një sërë stërvitjesh përreth Evropës Lindore gjatë kësaj vere, që po konsiderohet si dislokimi më i madh që nga Lufta e Ftohtë.

Stërvitjet ushtarake janë planifikuar kohë më parë, ndërsa shkalla e stërvitjeve është zgjeruar që nga fillimi i pushtimit rus në Ukrainë.

Në anën tjetër, Sekretari britanik i Mbrojtjes, Ben Wallace, e ka përshkruar këtë lëvizje si “solidaritet dhe fuqi”, transmeton Telegrafi.

Ushtarët britanikë do t’i bashkohen forcave të vendeve të NATO-s, si dhe atyre jo anëtare siç është Finlanda dhe Suedia.