Një brigade të akuzuar për kryerjen e krimeve të luftës në qytetin ukrainas të Buchas i është dhënë një titull nderi nga presidenti rus Vladimir Putin.

Në një letër të nënshkruar të hënën, Putin përgëzoi Brigadën e Pushkës së Gardës së Veçantë të 64-të të Rusisë për “heroizmin dhe guximin e tyre të madh” dhe i dha njësisë titullin “Gardë” për “mbrojtjen e sovranitetit të Rusisë”.

“Ky titull i lartë njeh meritat tuaja të veçanta, heroizmin dhe guximin tuaj të madh në mbrojtjen e atdheut tuaj dhe në mbrojtjen e sovranitetit dhe interesave kombëtare të Rusisë”.

“Nëpërmjet veprimeve të guximshme gjatë operacionit ushtarak special në Ukrainë, stafi i njësisë u bë shembull në përmbushjen e detyrës ushtarake, trimërisë, përkushtimit dhe profesionalizmit”, tha Putin në këtë letër, shkruan CNN, transmeton Klankosova.tv.

Në fillim të këtij muaji, varreza masive me qindra civilë të vrarë u zbuluan në qytetet Bucha dhe Borodyanka pas tërheqjes së forcave ruse nga rajoni i Kievit.

Në një deklaratë të lëshuar më 4 prill, Ministria e Mbrojtjes e Ukrainës i cilësoi ushtarakët e kësaj brigade si kriminelë lufte të përfshirë drejtpërdrejt në mizoritë e kryera kundër civilëve të Buchas.