Brad Pitt së fundmi mori pjesë në premierën në Berlin të filmit të tij të ardhshëm Bullet Train dhe vendosi të vishte një fund në vend të pantallonave për këtë ngjarje. Aktori fitues i çmimeve, 58 vjeç, zgjodhi një triko ngjyrë kafe me një fund deri tek gjuri për premierën e filmit, ku luajnë gjithashtu Sandra Bullock, Joey King dhe Aaron Taylor-Johnson.

Ai e kompletoi veshjen me një këmishë ngjyrë vjollce me kopsa dhe çizme luftarake, duke u dhënë fansave një pamje të rrallë të tatuazheve të tij në këmbë. Këto duket se janë një fytyrë rinoceronti dhe një kafkë njeriu.

Por fansat nuk e kanë pritur mirë stilin e ndryshuar së fundmi të Pitt, i cili ka qenë simbol i mashkullit tërheqës dhe të shumtë kanë qenë ata që kanë shkruar: “Si mund të na i bësh këtë ne?”Tatuazhet e tij të tjera thuhet se përfshijnë shprehjen “absurditete të ekzistencës”, inicialet e fëmijëve të tij dhe një citim nga Rumi që thotë: “Ekziston një fushë, përtej çdo nocioni të së drejtës dhe të gabuarës do ju takoj atje”.

Sipas New York Post, Pitt gjithashtu ka tatuazhe kushtuar ish gruas të tij aktores së njohur botërore Angelina Jolie, me të cilën ndan gjashtë fëmijët e tij. Një nga këto tatuazhe thuhet se është data e lindjes së Jolie në gjuhën Kmere të Kamboxhias, e bërë tatuazh në pjesën e poshtme të barkut të Pitt.

Në një intervistë me Esquire vitin e kaluar, Pitt tha se rritja e “plakjes” dhe “më e keqe” ka ndryshuar mënyrën se si ai ndihet për rrobat që vesh. “Ti plakesh, bëhesh më i çuditshëm dhe rehatia bëhet më e rëndësishme. Mendoj se është kaq e thjeshtë. Nëse kam një stil, nuk është stil”, tha Pitt.