Sipas People, aktori, 59 vjeç, prezanton Ines, 32 vjeçe, para të tjerëve si të dashurën e ti.

Kjo është marrëdhënia e parë e duhur e Bradit që nga divorci, tha një burim për faqen. Ai e prezanton Ramon si të dashurën e tij, shkruan DailyMail.

“Është mirë ta shohësh atë në një vend të mirë. Ines e bën atë shumë të lumtur”, ka shtuar një burim i brendshëm.

Kjo vjen pasi dyshja u panë duke marrë pjesë në Gala-n e 12-të vjetore të Art+Film të LACMA në Los Angeles, ku ata kaluan një kohë të mrekullueshme sipas People.

“Ata janë shumë pasionantë”, tha një burim për çiftin, duke shtuar se të dy janë shumë të lumtur.

“Ata shijojnë shoqërinë e njëri-tjetrit dhe kaluan një kohë të mirë në Gala së bashku”, tha burimi i brendshëm.

Dyshja nuk pozuan për foto së bashku në event, por ishin super të dashur, duke qeshur dhe duke bërë shaka me të gjithë rreth tyre.

Ines dhe Brad të cilët së shpejti do të shënojnë përvjetorin e tyre të parë të lidhjes, u lidhën për herë të parë në nëntor 2022.

“Ata kalojnë pothuajse të gjithë kohën e lirë së bashku”, ka zbuluar më parë një burim për Us Weekly.

Për më tepër, burimi i brendshëm pohoi se de Ramon, e cila u pa duke treguar ndjenjat e saj për yllin e “Fight Club” dhe duke veshur një gjerdan “B” vetëm disa muaj më pare, është bërë shumë e afërt me “rrethin e brendshëm të miqve” të Pitt. Kanë kaluar shtatë vjet që kur Pitt u nda me gruan e tij Angelina Jolie, 48 vjeçe, me të cilën rriti gjashtë fëmijë. Që atëherë ata janë përfshirë në një grindje shumë publike dhe të diskutueshme për kujdestarinë.