Ministria e Punëve të Jashtme dhe Diasporës ka shpallur një tender për larje të veturave. Vlera e këtij tenderi është fiks 6 mijë euro. Me këto para do të pastrohen 21 vetura të llojeve të ndryshme.

Veturat BMW me të cilat vozitet ministrja Donika Gërvalla dhe stafi i saj, tash e tutje do të jenë më të pastra.

Përveç tyre do të pastrohen edhe disa lloje të tjera të veturave që posedon ky institucion, e që në numër janë 21 të tilla.

Për pastrimin e tyre është shpallur një tender, vlera e të cilit kap shumën e 6 mijë eurove, shkruan Demokracia.com.

“Shërbimet e Autolarjes. Vlera e parashikuar e kontratës: 6,000.00 euro.  Afati i fundit për pranim të tenderëve / aplikacioneve:  data 10.04.2025. Larja jashtme dhe  e brendshme e automjetit (21 vetura) Momentalisht ekzistojnë  21 automjete, por ekziston mundësia e larjes së automjeteve tjera me kërkesë nga Autoriteti Kontraktues”, thuhet në njoftonin e shpallur.

Në dosjen e tenderit është treguar se cfarë vetura posedon ky isntirucion dhe cilat do të dërgohen në autolarje.

“Peugeot 308. Peugeot 308. Peugeot 308. Peugeot 508. Peugeot 508 . Peugeot 508. Peugeot 508. Peugeot 508. BMË 730. BMW 730. BMË 730. Renault Traffic. Renault Traffic. Pasat. Mercedes B klas. Peugeot 508. Shkoda Superb. Shkoda Superb. Shkoda Superb. Shkoda Superb. Shkoda Superb”.

Ministria ka treguar edhe kushtet qe duhet t’i plotësoj kompania fituese.

“Kompania duhet të ofroj shërbim për larjen e veturave si vijon: Pastrimi i Jashtëm: Pastrimi dhe lustrimi i karrocerisë së automjetit. Pastrimi i rrotave dhe disqeve. Pastrimi i xhamave dhe pastrimi i pjesëve metalike të automjetit. Shfrytëzimi i mjeteve dhe materialeve që nuk dëmtojnë sipërfaqet dhe nuk lënë njolla. Pastrimi i Brendshëm: Pastrimi i brendshëm i kabinës së automjetit (karrigeve, dyshemesë, shtrojave, tapicerive, dhe pjesëve të brendshme). Pastrimi i dorezave, timonit, dhe çdo aksesor tjetër të brendshëm që mund të ndikohet nga përdorimi i përditshëm”.

Po ashtu, Kompania fituese do të jetë e obliguar të sigurojë që automjetet e MPJD-së të kenë prioritet në shërbimin e autolarjes në çdo rast që kërkohet pastrimi i automjeteve.

“Larja e automjetit bëhet sipas porosis së vozitësit. Pas çdo larje vozitësi do ta nënshkruaj listën të cilën  bashkërisht do ta hartojnë përfaqësuesit e MPJD dhe   të kompanisë fitues, qe do të jetë pjesë përbërëse e kontratës. Orari i punës duhet të jetë  non stop edhe gjatë ë vikendeve prej orës 8:00 deri   në ora 20:00. Lokacioni i autolarjes duhet të ndodhet jo më larg se 3 (tre) kilometra nga Ndërtesa e MPJD, e cila gjendet në Rrugën “Luan Haradinaj”, Prishtinë. Kjo distancë duhet të mundësojë një kohë të shkurtër transportimi të automjeteve për pastrim, për të garantuar shërbim efikas dhe në kohë”./Demokracia.com/.