Shtetet e Bashkuara nuk kanë strategji për ndryshimin e regjimit për Rusinë, tha Sekretari i Shtetit Antony Blinken.

Në një fjalim në Varshavë të shtunën , presidenti Joe Biden tha se presidenti rus, Vladimir Putin, “nuk mund të qëndrojë në pushtet”, raporton BBC, transmeton Demokracia.com.

“Unë mendoj se presidenti, Shtëpia e Bardhë, theksoi mbrëmë se, thjesht, presidenti Putin nuk mund të fuqizohet për të zhvilluar luftë ose për t’u përfshirë në agresion kundër Ukrainës apo dikujt tjetër,” tha Blinken të dielën, ndërsa ishte në një vizitë në Izrael.

“Siç e dini, dhe siç na keni dëgjuar të themi vazhdimisht, ne nuk kemi një strategji të ndryshimit të regjimit në Rusi, apo askund tjetër, për këtë çështje.

“Në këtë rast, si në çdo rast, i takon popullit të vendit në fjalë, varet nga populli rus”, shtoi Blinken./Demokracia.com/