Blake Lively dëshiron që të dini se të qenit e famshme, nuk e bën atë domosdoshmërisht imune nga ndjenja e të qenit e pasigurtë.

Në një postim në Instagram ajo ndau një fotografi nga paraqitja e saj në “The Tonight Show Starring Jimmy Fallon” në 2020 pak kohë pas lindjes së fëmijës së saj të tretë.

Megjithëse është e qeshur në foto, ajo tha se e mban mend se e kishte të vështirë të gjente një veshje për paraqitje sepse “askush nuk kishte mostra që më përshtateshin pas lindjes.”

“Unë bashkova një këmishë dhe një fustan për ta bërë këtë veshje të bukur,” shkroi ajo në Instagram, duke shtuar se “shumë rroba nga dyqanet e zakonshme nuk më përshtateshin “.

“Nuk u dërgon një mesazh të shkëlqyeshëm grave kur trupat e tyre nuk përshtaten në ato që markat kanë për të ofruar. Është shumë konfuze. Do të doja të ndihesha po aq e sigurt atëherë kështu si ndihem tani.Ai trup më dha mua një foshnjë. Dhe po prodhoja gjithë ushqimin e foshnjës. Çfarë mrekullie. Por në vend që të ndjehesha krenare, ndjehesha e pasigurt. Thjesht sepse nuk më përshtateshin rrobat. Sa budallallëk është kjo në retrospektivë. ”

Blake, vazhdoi duke lavdëruar sipërmarrësen Katie Sturino, themeluesen e MegaBabe, e cila përdor platformën e saj për të thirrur dizajnerët që të kenë madhësi më gjithëpërfshirëse.

“Katie Sturino dhe të tjerët janë duke sfiduar markat për të bërë më mirë, duke ndihmuar gratë të mos ndihen vetëm”, ​​shkroi Lively. “Dhe ajo po bën përparim domethënës”.

Sturino në një intervistë tha se ajo ishte frymëzuar për të filluar hashtagun #makemysize pasi provoi një fund në madhësinë e tij më të madhe në dispozicion dhe nuk i përshtatej asaj. /Demokracia.com