Billie Eilish është një ndër yjet më të mëdha në botë. Vetëm në vitin 2020, këngëtarja fitoi katër çmime Grammy, planifikoi (dhe më pas anuloi) një turne ku të gjitha biletat ishin të shitura dhe regjistroi këngën e re me temë nga filmi James Bond.

Tani, Eilish po shpalos jetën e saj, famën dhe të gjitha, në një libër  fotografik i cili mendohet të publikohet në Maj të këtij viti.

Me titull Billie Eilish, libri i këngëtares do të shërbejë si një rrëfim vizual i rrugëtimit të saj që nga fëmijëria e deri në ditët e sotme. Ajo do të ofrojë pamje te cilat nuk janë parë ndonjëherë të fëmijërisë së saj, si dhe një vështrim të prapa skenave gjatë turneve të saj.

Fansat mund të shohin fotografi të saj ulur pas një pianoje si fëmijë, si dhe foto të prapaskenave të videos së saj “Bury A Friend”.

“Kam kaluar shumë orë, për shumë muaj duke shfletuar me vëmendje albumet dhe arkivat e familjes time, duke zgjedhur të gjitha fotot në këtë libër. Shpresoj ta pëlqeni po aq shumë sa e pëlqej unë ”, tha Eilish.

Së bashku me botimin e librit me fotografi, ”Hachette Book Group” do të ndajë edhe një libër audio, ku Eilish tregon për jetën e saj. Ajo do të tregojë histori të padëgjuara më parë nga jeta e saj personale për të njohur nga afër rrugëtimin e saj në muzikë.

Përndryshe së fundmi është konfirmuar se kënga “Lovely” e Billie Eilish ne bashkëpunim me Khalid ka arritur të ketë 1 bilion klikime në YouTube.