Presidenti i SHBA-së Joe Biden tha se ai i tha kryeministrit të Izraelit Benjamin Netanyahu se SHBA ishte gati të ofronte “të gjitha mjetet e duhura të mbështetjes” pas situatës së sotme në Izrael.

“I kam bërë të qartë kryeministrit Netanyahu se ne jemi të gatshëm të ofrojmë të gjitha mjetet e duhura të mbështetjes për Qeverinë dhe popullin e Izraelit”, tha Biden në një deklaratë, raporton The Guardian.

“Izraeli ka të drejtë të mbrojë veten dhe popullin e tij. Shtetet e Bashkuara paralajmërojnë kundër çdo pale tjetër armiqësore ndaj Izraelit që kërkon avantazh në këtë situatë”, shtoi ai.