Bernard Challandes duket se ka ende respektin e shumë tifozëve kosovarë, ngase ishte shef i shtabit teknik të Kombëtares së Kosovës për disa vite.
Trajneri zviceran do të jetë në stadium për ndeshjen e sotme miqësore mes Zvicrës dhe Kosovës që luhet në Cyrih me fillim nga ora 18:00, raporton Demokracia.com.
Challandes në afërsi të stadiumit është takuar me disa tifozë që kishin të veshur rekuizita të Kosovës.
Përshëndetja e tyre zgjati disa momente, ndërkohë që Challandes u nis për të hyrë në stadium.
Demokracia.com ju sjell pamjet drejtpërdrejtë nga Cyrihu. /Demokracia.com/