Presidenti i Shqipërisë Bajram Begaj ka përshëndetur arritjen e marrëveshjes për dokumente mes Kosovës dhe Serbisë.

Begaj përmes një postimi në rrjetin social “Twitter”, ka shprehur mirënjohje për mbështetjen e BE-së dhe SHBA-së.

“Përshëndes marrëveshjen që lehtëson udhëtimin e shtetasve mes Kosovës dhe Serbisë në interesin më të mirë të të gjithë qytetarëve. Vlerësim për dialogun që sjell rezultate dhe mirënjohje për mbështetjen e BE & SHBA”, ka shkruar Begaj.

Pleased to hear the news about the agreement facilitating travel between #Kosovo and #Serbia. This is in the best interest of all citizens. Appreciation for dialogue leading to concrete results and grateful for #EU–#US support. 🇪🇺🇽🇰🇷🇸 🇺🇸

— Bajram Begaj (@BajramBegajAL) August 27, 2022

Përfaqësuesi i Lartë i Bashkimit Evropian për Politikë të Jashtme dhe Siguri, Josep Borrell, ka njoftuar se është arritur marrëveshja mes Kosovës e Serbisë për letërnjoftimet.

Gjatë kësaj jave, Escobar dhe Lajçak qëndruan në Kosovë dhe Serbi, ku diskutuan me liderët shtetërorë dhe partiakë për çështjen e dokumenteve dhe targave. Ata thanë se palët duhet të zotohen se do të shmangin dhunën më 1 shtator.

Vendimi i 26 qershorit i Qeverisë së Kosovës për targat dhe dokumentet serbe rriti tensionet në veri të vendit.

Por, bashkësia ndërkombëtare u angazhua për të bindur palët që të arrinin marrëveshje për të shmangur përshkallëzimin e situatës më 1 shtator, kur duhej të hynte në fuqi vendimi për dokumentet serbe, por edhe për target.