Basketbollisti i Pejës, Daniel Lekndreaj është pajisur me pasaportë të Kosovës.

Kjo është e ditur nga klubi pejan përmes një postimi në faqen zyrtare në rrjetet sociale.

Pejanët bëjnë të ditur se Lekndreaj do të llogaritet si lojtar vendor në Ligën Unike dhe Superligën e Kosovës.

Krahas pasaportës së Kosovës, Lekndreaj ka edhe pasaportën e Shqipërisë.

Lekndreaj para fillimit të këtij sezoni iu bashkua Pejës, por llogaritej si lojtar i huaj, pavarësisht se ishte nga Shqipëria.

Ai është reprezentues i Shqipërisë kurse sezonin e shkuar për një periudhë luajti edhe për Sigal Prishtinën. /Demokracia.com/