Ballkani i jep fund sot kampanjës në fazën e grupeve të Ligës së Konferencës. Kampioni i Kosovës luan në udhëtim te CFR Cluj në Rumani, shkruan Demokracia.com.
Stadiumi “Constantin Radulescu” është arenë e përballjes së rrethit të fundit të Grupit G me fillim nga ora 18:45.
“Portokallezinjtë” kanë udhëtuar vetëm për “prestigj” për shkak se nuk kanë arritur të kalojnë fazën e grupeve.
Kompania e madhe e basteve sportive “bet365.com” ka publikuar tanimë kuotat e kësaj sfide. Ballkani, bazuar në kuotat, ka pak gjasa të triumfojë në Rumani.
Kuota për triumfin e Ballkanit llogaritet 7.50, barazimi 4.50 teksa për fitoren e nikoqirëve kuota është 1.44.
Ballkani ka katër pikë pas pesë takimeve të zhvilluara dhe pozicionohet në vendin e fundit.
Cluj ka shtatë pikë në pozitën e dytë, po aq sa Slavia Praha një pozitë më poshtë. Grupit i prin Sivasspori me 10 pikë./Demokracia.com/