“Babë sot nuk i paske prit shokët si çdo herë tjetër. Me thanë që portreti yt i priti të dera” kështu e filloi letrën Hysni Gucati të cilën e ka shkruar nga Haga me rastin e vdekjes së babait të tij.

Gucati nuk ishte në varrimin e babait të tij i cili të premten më 27 maj ka ndërruar jetë.

Letrën të cilën e ka dërguar Gucati e ka publikuar djali i tij në rrjetin social Facebook, Musli Gucati.

Të premten më 27 maj ka ndërruar jetë babai i Hysni Gucatit, Avdullahu, ndërsa të shtunën është varrosur.

Postimi i plotë:

Letër nga Hysi me rastin e vdekjes së Gjyshit

Babë sot nuk i paske prit shokët si çdo herë tjetër

Me thanë që portreti ytë i priti të dera,

Të ajo derë e shpisë që sditi kurrë me u mbyll

Që edhe Kur kulluan gjak plagët bashkë i kemi ndrydhë,

Unë plagët e tua e ti plagët e mia

Duke qesh  me thojshe kështu bir e don liria

Shumë herë Shokve  ni fjalë jau ke thanë

Ta kisha plumbin që ka Hysi në trup

Kurrë nuk e  kisha larguar, kujtim të lirisë e kisha lanë

Eh ta kisha ditë që ky plumb nuk me dha aq dhimbje

Sa dhimbje me dha lajmi që nuk me paske prit

Të kisha shok lufte shok shpirti e shok lirie

Pusho Babë në amshim larg çdo padrejtësie.

29.05.2022.