Agjencia e Ushqimit dhe Veterinarisë ka bllokuar sasinë e pulave të cilat në ambalazh kishin datë të prodhimit 24 dhjetor ndërsa në supermarkete ishin dorëzuar një ditë më parë, 23 dhjetor.

Gazetari Viktor Buzhala thotë se ky është skandal që i ngjason krimit të organizuar derisa bën thirrje që me të të merret edhe Qeveria e Kosovës.

Ai hedh dyshime që këto pula të jenë duke u prodhuar në Serbi, e nga ai vend nuk lejohet importi për mallrat e prodhurara atje.

“Siç edhe prita, pas raportimit tim, AUV ka bllokuar sasine e pulave qe kishin afat te sotem dhe ishin dorezuar dje ne supermarket, pra nje dite para dates se prodhimit. AUV do te merret me distributorin. Por, me kete skandal duhet te merret edhe Qeveria e Kosoves. Mund te ndodhe lehte qe keto pula te jene duke u prodhuar ne Serbi, sic ma shprehen dyshimin disa friendsa te mi. E nga Serbia nuk lejohet importi fare per mallrat e prodhuara aty ne baze te vendimit te qeverise se Kosoves.

Prokuroria duhet ta hetoje ne kete rast edhe Kosmonten si importues dhe Doganen e Kosoves qe lejoi importin e mallit me date prodhimi ne te ardhmen. Pra, ky eshte skandal qe i ngjason krimit te organizuar”, shkruan Buzhala.