Kancelari i Austrisë, Karl Nehammer, ka përsëritur se vendi i tij – i cili nuk është i lidhur me asnjë aleancë ushtarake – nuk ka ndërmend të bashkohet me NATO-n, shkruan BBC të martën.
Duke folur pas një takimi në Pragë me homologun e tij çek Petr Fiala, Nehammer ka thënë se historia e Austrisë ishte e ndryshme nga ajo e Finlandës dhe Suedisë dhe se do të ruante neutralitetin e saj ushtarak.
Megjithatë, ai shtoi se vendi i tij – si anëtar i Bashkimit Evropian – tregoi solidaritet me Ukrainën, lejoi dërgesat e armëve në Kiev dhe mbështeti sanksionet kundër Rusisë.
Fiala ka thënë se homologu i tij austriak kishte mbështetur idenë e zgjerimit të kapacitetit të tubacionit të naftës Transalpine (TAL), i cili furnizon rafineritë në Austri, Gjermani dhe Republikën Çeke nga një terminal në portin italian të Triestes.
Por ata thonë se do të duheshin deri në tre vjet për të zgjeruar kapacitetin.
