Mijëra australianë janë goditur nga një mesazh i ri i njohur si Flubot, i cili synon të instalojë virus në telefonat e tyre.

Flubot është një lloj malware që synon përdoruesit e Android, por përdoruesit e iPhone gjithashtu mund të marrin mesazhe.

Ai i tregon marrësit se kanë humbur një telefonatë ose kanë një postë zanore të re, duke siguruar një lidhje të rreme për të dëgjuar.

Lidhja do t’i çojë njerëzit në një faqe në internet që duket si një markë zyrtare – në Australi mund të jetë Telstra, por në Evropë ishin kompani të shpërndarjes së parcelave.

Faqja u thotë përdoruesve të instalojnë softuer në telefon për të dëgjuar mesazhin.

Nëse përdoruesi pajtohet, atëherë instalon malware. Nëse i japin leje aplikacionit, atëherë sulmuesit do të kenë qasje në detajet e kartës së kreditit, informacionin personal, aftësinë për të përgjuar mesazhet SMS, dhe kapjen e informacioneve të tjera të mbajtura në telefon.

Malware gjithashtu i jep sulmuesit qasje në listën e kontakteve të një përdoruesi.

Virusi i quajtur Flubot nuk punon në iPhone, dhe funksionon vetëm në telefonat Android që kanë mundësuar ngarkimin anësor të aplikacioneve-domethënë aplikacionet e instaluara në telefon jashtë aplikacionit Google Play. /Demokracia.com/