Këtë të mërkurë, marka e makinave Audi ka prezantuar makinën SUV elektrike Q4 E-Tron; modeli më i lirë elektrik i kompanisë me një çmim fillestar prej 45 mijë dollarësh.

Kjo kushton pak më pak se një sedan Tesla Model 3 dhe shumë më pak se një SUV Tesla Model Y.

Megjithatë, Audi ende nuk ka zbuluar çmimet për versionet më të shtrenjta të SUV-it  të ri.

Modeli më pak i shtrenjtë do të jetë në gjendje të udhëtojë rreth 250 milje, sipas markës luksoze gjermane.

Motori elektrik i modelit bazë do të sigurojë një prodhim maksimal prej 201 kuaj fuqi. Versione më të shtrenjta, do të jenë në gjendje të prodhojnë deri në 295 kuaj fuqi.