Agjencia e Statistikave të Kosovës (ASK) ka publikuar statistikat e tregtisë me pakicë për tremujorin e katërt të vitit 2020.

Përmes këtij publikimi ASK ka prezantuar të dhënat për qarkullim të tregtisë me pakicë dhe sipas ASK-së ka pasur rritje të çmimeve në produkte ushqimore, pije dhe duhan, shkruan Demokracia.com.

“Në tremujorin e katërt (TM4) të vitit 2020, krahasuar me tremujorin e tretë (TM3) të vitit 2020, ka pasur rritje te: Tregtia me pakicë e produkteve ushqimore, pijeve dhe duhanit, në dyqane të specializuara (41.5%); Tregtia me pakicë e mallrave të tjerë në dyqane jo të specializuara (34.4%); Tregtia me pakicë e karburantit për automjete, në dyqane të specializuara (29.2%); Tregtia me pakicë në dyqane jo të specializuara (28.6%); Tregtia me pakicë e pajisjeve informatike dhe të komunikimit, në dyqane të specializuara (24.7%); Tregtia me pakicë jo në dyqane, tezga ose tregje (24.3%); Tregtia me pakicë e pajisjeve të tjera shtëpiake në dyqane të specializuara (20.9%); dhe te Tregtia me pakicë e mallrave kulturore dhe të argëtimit, në dyqane të specializuara (1.4%)”, thuhet në njoftimin e ASK-së.

Njoftimi i plotë i ASK-së, pa ndërhyrje:

Përmes këtij publikimi janë prezantuar të dhëna për qarkullimin dhe numrin e të punësuarve.

Në tremujorin e katërt (TM4) të vitit 2020, krahasuar me tremujorin e tretë (TM3) të vitit 2020, ka pasur rritje te: Tregtia me pakicë e produkteve ushqimore, pijeve dhe duhanit, në dyqane të specializuara (41.5%); Tregtia me pakicë e mallrave të tjerë në dyqane jo të specializuara (34.4%); Tregtia me pakicë e karburantit për automjete, në dyqane të specializuara (29.2%); Tregtia me pakicë në dyqane jo të specializuara (28.6%); Tregtia me pakicë e pajisjeve informatike dhe të komunikimit, në dyqane të specializuara (24.7%); Tregtia me pakicë jo në dyqane, tezga ose tregje (24.3%); Tregtia me pakicë e pajisjeve të tjera shtëpiake në dyqane të specializuara (20.9%); dhe te Tregtia me pakicë e mallrave kulturore dhe të argëtimit, në dyqane të specializuara (1.4%).

Në TM4 2020, krahasuar me TM4 2019 ka pasur rritje te: Tregtia me pakicë e pajisjeve informatike dhe të komunikimit, në dyqane të specializuara (54.3%); Tregtia me pakicë e pajisjeve të tjera shtëpiake në dyqane të specializuara (5.5%); si dhe te Tregtia me pakicë në dyqane jo të specializuara (4.7%).

Derisa rënie ka shënuar: Tregtia me pakicë e mallrave kulturore dhe të argëtimit, në dyqane të specializuara (-48.6%); Tregtia me pakicë e karburantit për automjete, në dyqane të specializuara (-27.7%); Tregtia me pakicë jo në dyqane, tezga ose tregje (-27.5%); Tregtia me pakicë e mallrave të tjerë në dyqane të specializuara (-12.5%); si dhe Tregtia me pakicë e produkteve ushqimore, pijeve dhe duhanit, në dyqane të specializuara (-10.0%)./Demokracia.com/