Ministri i Jashtëm i Rusisë, Sergei Lavrov e ka përmendur sërish Kosovën në një deklaratë të fundit të tij.
Ministria e Jashtme ruse e ka shpërndarë edhe në rrjetin social Twitter, ku citohet Lavrov i cili ka thënë se SHBA bombardoi Jugosllavinë dhe “krijoi” Kosovën, transmeton Demokracia.com.
“SHBA papritmas perceptoi një kërcënim në Jugosllavi që ndodhej 10,000 kilometra përtej oqeanit. SHBA bombarduan vendin, krijuan Kosovën dhe imponuan perceptimin e saj në këtë pjesë të Evropës”, ka thënë ai.
FM #Lavrov: The US suddenly perceived a threat in Yugoslavia that was located 10,000 kilometres across the ocean. The US bombed the country, created Kosovo and imposed its perception on this part of Europe. pic.twitter.com/Mh8D8BJBpY
— Russian Embassy in South Africa 🇷🇺 (@EmbassyofRussia) May 25, 2022
Kjo deklaratë e Lavrovit duket të jetë si arsyetim i Rusisë për pushtimin e Ukrainës dhe aneksimin e Krimesë, pasi që zyrtarë të shumtë rusë, duke theksuar edhe presidenti Vladimir Putin, së fundi e kanë përmendur shpesh Kosovën./Demokracia.com/