Jada Pinkett Smith ka thënë se arsyeja pse ajo dhe Will Smith nuk nënshkruan kurrë një marrëveshje paramartesore është sepse ata kurrë nuk prisnin të divorcoheshin.

Dhe pavarësisht se jetojnë të ndarë prej 7 vitesh, dyshja ende nuk kanë në plan të ndërpresin martesën e tyre. Ajo tha se ata kanë një dashuri të thellë për njëri-tjetrin dhe po kërkojnë të kuptojnë se si do të jetë lidhja e tyre në të ardhmen, një bashkim që ka sjellë në jetë dy fëmijë.

“Bëra një premtim se nuk do të ketë kurrë arsye që ne të divorcohemi”, tha ajo për NBC News. “Ne do të punojmë për çdo gjë, dhe unë thjesht nuk kam qenë në gjendje ta thyej atë premtim”.

Ishin të shumta raportimet e mediave sociale pasi Smith goditi Chris Rock në fytyrë, pasi ky i fundit bëri shaka për flokët e saj të rënë.

Pinkett Smith gjithashtu ishte e habitur, edhe për një arsye tjetër, pasi ylli i “Men in Black” dhe “Independence Day” e quajti atë si gruan e tij për herë të parë pas vitesh.

“Së pari, isha vërtet e tronditur, sepse ki parasysh që ne nuk e kishim thirrur njëri-tjetrin burrë e grua për një kohë të gjatë”, tha ajo për NBC në një intervistë që u transmetua të premten.

“Isha shumë e shqetësuar për Willin sepse nuk e dija se çfarë po ndodhte”.