Arsenali është në kërkim të një sulmuesi qendror dhe shumë emra të mëdhenj kanë përfunduar në listën e Topçinjve.

Skuadra londineze nuk dëshiron të filloj sezonin e ri me Gabriel Jesusin si sulmuesin kryesor, derisa emri i fundit në listën e tyre është ukrainasi Artem Dovbyk.

Pasi ka shkëlqyer me Gironën në La Liga me 24 gola duke fituar edhe ‘Pichichin’, Dovbyk është i gatshëm për ta bërë hapin e madh në karrierën e tij.

The Sun ka raportuar se Topçinjtë tanimë kanë kontaktuar Gironën për yllin ukrainas dhe kanë mësuar çmimin që duhet paguar për transferimin e tij.

Londinezëve i është kërkuar të paguajnë 50 milionë euro nëse duan transferimin e Dovbyk në afatin kalimtar veror.

26-vjeçari i ka bërë të qartë Gironës se dëshiron të largohet pasi kërkon një klub më të madh që të luftojë për të fituar trofe.