Lajme
​Arrestohet shtetasi i Shqipërisë pasi i ofroi 20 euro ryshfet policit në kufi
Demokracia
09:59 | 04 Tetor 2022

Share:

Një shtetas i Shqipërisë është arrestuar në pikën kufitare në Vërmicë, të hënën rreth orës 22, pasi dyshohet se u mundua ta korruptonte policinë.

Sipas policisë, i dyshuari i ka ofruar zyrtarit policor 20 euro me qëllim që t’ia mundësonte kalimin e kufirit.

Rasti është inicuar si dhënie e ryshfetit.

“PKK Vërmicë, 03.10.2022-22:15. Është arrestuar i dyshuari mashkull shtetas i Shqipërisë pasi që i njëjti në kontroll të dokumenteve i ka ofruar zyrtarit policor 20 euro me qëllim që t’i mundësohet kalimi i kufirit. Me vendim të prokurorit i dyshuari është dërguar në mbajtje”, njofton policia.

Të ngjashme