Ministria e Jashtme e Arabisë Saudite lëshoi një deklaratë të shtunën duke dënuar çdo operacion tokësor nga forcat izraelite që mund të kërcënojnë jetën e civilëve palestinezë.

Lajmi u bë i ditur nga agjencia britanike “Reuters”.

“Mbretëria dënon dhe denoncon operacionet tokësore të kryera nga ushtria izraelite në Rripin e Gazës dhe paralajmëron për rrezikun e vazhdimit të kryerjes së këtyre shkeljeve flagrante dhe të pajustifikuara të ligjit ndërkombëtar kundër vëllezërve tanë palestinezë”, thuhet në deklaratë.

Të shtunën herët, ushtria izraelite tha se kishte hyrë në veri të Gazës gjatë natës dhe kishte zgjeruar operacionet ushtarake në Rripin e Gazës, ndërsa rriti sulmin e saj ndaj grupit militant Hamas.