Deputeti gjerman Knut Abraham, i ka bërë thirrje Italisë e cila është duke udhëhequr me presidencën e Këshillit të Evropës, që ta vendos Kosovën në agjendën e takimit të 20 majit ku do të mblidhen në Torino Komiteti i Ministrave të shteteve që janë anëtare të Këshillit të Evropës.

Abraham në një postim në rrjetin social “Twitter”, ka shkruar se tani është momenti i duhur.

“Koha për të vepruar: I bëj thirrje qeverisë italiane që ta vendosë në agjendë propozimin e Kosovës tani, në mënyrë që të diskutohet në Komitetin e Ministrave të Këshillit të Europës në Torino të premten. Momenti i duhur duhet të përdoret tani”, ka shkruar në Twitter deputeti nga CDU/CSU.

Die #Bundesregierung muss dabei den Antrag proaktiv unterstützen. Es geht jetzt darum, keine Zeit zu verlieren. @GermanyCoE @FrankSchwabe @michael_g_link

— Knut Abraham, MdB (@Knut_Abraham) May 16, 2022

Abraham ka pasur një thirrje edhe për qeverinë gjermane.

“Qeveria Federale duhet ta mbështesë në mënyrë proaktive aplikacionin. Çështja tani është të mos humbni kohë”, ka shkruar ai.