Amnesty International i ka hequr politikanit opozitar rus Alexei Navalny statusin e tij  prej”të burgosur të ndërgjegjes” pasi thotë se ishte “bombarduar” me ankesa që nënvizonin komente ksenofobe që ai kishte bërë në të kaluarën dhe nuk u tërhoq.

Një zëdhënës i organizatës për të drejtat e njeriut në Moskë i tha BBC se ai besonte se vala e kërkesave për të “çregjistruar” Navalny ishte pjesë e një “fushate të orkestruar” për të diskredituar kritikun më të zëshëm të Vladimir Putinit dhe “penguar” thirrjet e Amnistisë për lirimin e tij nga kujdestaria, transmenton Demokracia.com

Por gjatë rishikimit, Amnesty International arriti në përfundimin se komentet e bëra nga Navalny rreth 15 vjet më parë, përfshirë një video që duket se krahason emigrantët me buburrecat, përbënin “gjuhë urrejtjeje” e cila ishte e papajtueshme me etiketën “i burgosur i ndërgjegjes”.

Alexei Navalny, i cili pothuajse u vra në një helmim me agjent nervor vitin e kaluar, tani po vuan një dënim me burg që shihet gjerësisht si dënim për aktivizmin e tij opozitar dhe hetimet e mëdha për jetën e korruptuar të të pasurve dhe të fuqishmëve rusë.

“Ne kishim shumë kërkesa; nuk mund t’i shpërfillnim ato,” i tha zëdhënësi Alexander Artemev BBC.

Që nga kthimi i Navalny në Rusi në janar pasi u rikuperua nga përpjekja për ta vrarë, llogari të tjera në gjuhën angleze në Twitter kanë bërë rregullisht postime për ta kritikuar atë si një “supremacist të bardhë të poshtër”.

Navalny pretendon se ishte një përpjekje e vrazhdë për të njollosur imazhin e tij, edhe akuza e fundit, për të cilën ai edhe u shpall fajtor, për shpifje ndaj një heroi të luftës. TV shtetëror dhe mediat sociale e kanë krahasuar atë me një neo-nazist.

Një video e dytë famëkeqe nga fillimi i viteve 2000, shihet Navalny i veshur si dentist, ndërthurur me imazhe të punëtorëve emigrantë, duke kërkuar heqjen e “gjithçkaje që na shqetëson”, si dhëmbët e kalbur.

Por në një sondazh telefonik për radion e Rusisë editoriale të pavarur Ekho Moskvy, vetëm 1 në 5 dëgjues mbështetën vendimin e Amnesty International për të hequr nga lista Navalny.

Në janar, Amnesty International dënoi arrestimin e Navalny si “provë të mëtejshme që autoritetet ruse po kërkojnë ta heshtin” dhe bëri thirrje për lirimin e tij të menjëhershëm dhe të pakushtëzuar.

Organizata thotë se do të vazhdojë me ato thirrje dhe “të bëjmë gjithçka që mundemi të arrijmë atë qëllim”./Demokracia.com