Ambasadori rus në Bosnjë dhe Hercegovinë, Igor Kalabukhov foli për planet e strukturave të caktuara në BdheH për t’u bashkuar me NATO-n.

“Nuk na shqetëson të hyni në NATO. Nuk është një kërcënim, ndoshta një paralajmërim. Ju vendosni vetë. Është si një rreth vicioz, thashë tashmë … Supozoni, le të themi se Bosnja u bë anëtare e NATO-s dhe Brukseli vendos për të instaluar raketa bërthamore që synojnë Moskën. Ne do të vlerësojmë situatën strategjike dhe kjo është arsyeja pse unë mendoj se zgjidhja duhet të jetë sistemi evropian, jo NATO”, tha Kalabukhov, transmeton Demokracia.com.

I pyetur se pse Rusia “nuk shqetësohet” nga vendet përreth dhe fqinje që tashmë janë pjesë e NATO-s, ai u përgjigj: “Nga e dini se ne nuk kemi plane kundër Kroacisë, Hungarisë, Polonisë?”.

Sa i përket planeve të Rusisë kundër Kroacisë, Kalabukhov tha se ata kanë plane kundër NATO-s.

“Kundër NATO-s. Ne kemi plane kundër NATO-s. Po vlerësojmë situatën gjeostrategjike, po shikojmë se nga vijnë kërcënimet dhe po reagojmë”, tha Kalabukhov për Fejs TV.

Kësaj deklarate i ka reaguar ambasada amerikane në Sarajevë. “Kërcënimet e ambasadorit rus janë të rrezikshme, të papërgjegjshme dhe të papranueshme. Asnjë palë e tretë nuk ka të drejtë të ndërhyjë në marrëveshjet e sigurisë midis NATO-s dhe shteteve sovrane. Ne do të vazhdojmë të qëndrojmë të vendosur me BdhH”, thuhet në deklaratë.

The Russian Ambassador’s latest threats to Bosnia and Herzegovina are dangerous, irresponsible, and unacceptable. No third party has a say in security arrangements between NATO and sovereign countries. (1/2)

— US Embassy Sarajevo (@USEmbassySJJ) March 17, 2022

/Demokracia.com/