Ambasadori i Finlandës në Kosovë, Matti Nissinen, ka thënë se është shumë e rëndësishme që të formohen institucionet sa më shpejt në Kosovë.

Ai tha se reformat duhet të ecin sa më shpejt, më mire.

“Së pari, vërtet shpresoj që formimi i institucioneve – institucione funksionale – të ndodhë sa më shpejt. Mendoj se jetojmë në një situatë globale ku zhvillimet e reja nuk ndalen. Ato nuk presin gjatë që gjërat të formohen. Gjithashtu, reformat që janë të nevojshme këtu në Kosovë duhet të jenë në gjendje të ecin përpara. Prandaj mendoj se sa më shpejt, aq më mirë. Të kemi një qeveri të re dhe një Kuvend të ri të formuar do të ishte më e mira për popullin e Kosovës”, tha Nissinen një intervistë për KosovaPress.