Ambasadori i Britanisë së Madhe në Kosovë, Nicholas Abbott, ka shprehur ngushëllime për vdekjen e Mirsada dhe Dion Ademaj, nga vërshimet e djeshme në Pejë.
Abbott, me anë të një postimi në rrjetin social “Twitter” ka shkruar se ka ngelur i impresionuar nga angazhimi për ndihmë për banorët e prekur nga vërshimet në Pejë.
“Dëshiroj t’i shpreh ngushëllimet e mia familjes së dy personave që humbën jetën mbrëmë në Pejë. Më bën përshtypje përkushtimi i të gjithë atyre që janë përfshirë në mbështetjen e të prekurve nga përmbytjet”, ka thënë Abbott.
I would like to express my condolences to the family of the two people who lost their lives in Peja last night. I am impressed by the dedication of all those involved in supporting those affected by the flooding.
— Nicholas Abbott (@nickabbottfcdo) June 25, 2023
Kujtojmë se mbrëmë nga përmbytjet në Pejë mbetën të vdekur nënë e bir, ndërsa u lënduan edhe dy persona të tjerë.