Koalicioni i ndërtuar nga Bashkimi Demokratik për Integrim (BDI) i Ali Ahmetit nën emrin “Fronti Europian” ka arritur rezultatin historik në Zgjedhjet e 8 Majit 2024, duke u shndërruar fuqia e dytë politike në Kuvendin e Maqedonisë së Veriut.
Sipas rezultateve, “Fronti Europian” i BDI-së së Ali Ahmetit ka siguruar 19 mandate në Kuvendin e Maqedonisë së Veriut, duke lënë pas LSDM-në maqedonase me 18 deputetë.
Pavarësisht këtij rezultati historik, kryeministri i Kosovës, Albin Kurti, nuk e ka uruar ende liderin e shqiptarëve të Maqedonisë së Veriut, Ali Ahmetin, shkruan Demokracia.com. Siç duket, rezultati i së mërkurës në Maqedoninë e Veriut ka çuar huq investimin disamujor të Kurtit, i cili personalisht është angazhuar në fushatën zgjedhore të këtij shteti, me qëllimin e vetëm që ta mposhtin BDI-në e Ali Ahmetit. Kurti është pozicionuar qartë në mbështetje të opozitës së partive shqiptare, koalicionit VLEN, që përbëhet nga “Lëvizja Besa” e Bilall Kasamit, “Lëvizja Demokratike” e Izet Mexhitit, “Alternativa” e Afrim Gashit dhe “Vetëvendosje” që përfaqësohet nga këshilltari i tij, Bekim Qoku, të cilët edhe përkundër mbështetjes së madhe maqedone, por edhe nga Kosova, nuk ka arritur që të mposhtë BDI-në e Ahmetit
Lexo më shumë:
Kryeministri Kurti nuk ka uruar as kandidatin e BDI-së për President, Bujar Osmanin, i cili më 24 prill arriti të shënojë rezultat historik në raundin e parë të zgjedjeve presidenciale, duke u rënditur si kandidati i tretë, por me një dallim të ngushtë me kandidatin e dytë maqedonas.
Sipas një matematike të thjeshtë, nëse shqiptarët do të prezantoheshin me një kandidat të vetëm në këtë garë për zgjedhjet presidenciale, atëherë është e sigurtë se për herë të parë në historinë politike të Maqedonisë së Veriut, shqiptarët do të siguronin raundin e dytë të zgjedhjeve, pasi do të arrinin në kuotën prej 204,259 votave, pra më shumë se kandidati i dytë maqedonas Stevo Pendarovski, për 23,953 vota. Por, kryeministri Kurti ka mbështetur hapur opozitën shqiptare që të paraqiteshin me kandidatin e tyre për president.
Lexo më shumë:
Roli përçarës i kryeministrit Kurti ishte shfaqur edhe para disa muajve, duke u pozicionuar qartë kundër arritjes së madhe të shqiptarëve, nën BDI-në e Ali Ahmetit, për kryeministër të parë shqiptar në historinë politike të Maqedonisë së Veriut. Edhe në ato momente historike, Kurti nuk kishte mbështetur këtë arritje, por kishte filluar mbështetjen e “Lëvizjes Evropiane për Ndryshim”, deputetët e së cilës bojkotuan në Kuvendin e Maqedonisë votimin e “Kryeministrit të Parë Shqiptar”. /Demokracia.com/
Lexo më shumë për këtë temë:
