Një nga të ftuarat e autores dhe moderatores Luana Vjollca, këtë të diel mbrëma në “Zemër Luana” ka qenë gjithashtu dhe artistja e mirënjohur, Albërie Hadërgjonaj.

Në një nga sfidat e personalizuar për Albërijen ishte “Ç’ka rrota, i mëson bota”, ku ishin vendosur disa foto të familjarëve të saj dhe jo vetëm.

Në një nga rrotullimet e bëra, rrota ndaloi tek vajza e saj Agnesa dhe pyetja ishtë Thuhet se vajza jote Agnesa është në një pritje të ëmbël dhe shumë shpejt pritet të të bëjë gjyshe sërish, na zbulo si është e vërteta!”

Në këtë moment Albërija nuk hezitoi të përgjigjet dhe menjëherë pranoi që Agnesa është shtatzënë dhe ishte shumë e lumtur për këtë fakt. Kujtojmë se Agnesa i dha fund vite më parë martesës me ish-bashkëshortin e saj, me të cilin ka edhe një vajzë dhe tani është e lumtur me partnerin e saj të ri dhe janë drejt ditës së ëmbël që do bëhen prindër.