Aktorja britanike Kate Winslet, ka thënë se ajo njeh ‘të paktën katër aktorë’ që po fshehin seksualitetin e tyre nga ‘frika’ e daljes në publik.
Aktorja e Dressmaker tha se njerëzit për të cilët nuk dha ndonjë emër, janë të shqetësuar se dalja do të ndikonte negativisht në karrierën e tyre dhe se ata do të humbnin rolet në film.
Winslet, 45, madje detajoi se një ‘aktor i njohur ’ kohët e fundit i tha agjentit të tij se ishte biseksualë, por u këshillua që të mos e bënte publike këtë, transmeton Demokracia.com.
Komentet e yllit të Titanic vijnë pasi çmimet BAFTA nuk arritën të nominonin ndonjë aktor homoseksual për kategoritë e tij më të mëdha, për të cilat Amanda Berry OBE, Shefi Ekzekutiv i BAFTA, pranoi se ishte ‘shumë e zhgënjyer’.
Komentet e Winslet vijnë gjithashtu pas publikimit të filmit të saj ‘Ammonite’ ku karakteri i saj, Mary Anning, ka një marrëdhënie të fshehtë me një grua, të luajtur nga Saoirse Ronan. /Demokracia.com/