Tom Holland, aktori i famshëm i Hollywoodit dhe ylli i serisë së filmave “Spider-Man”, ka bërë një gjest të veçantë që ka prekur zemrat e fansave shqiptarë.
Një video që ka marrë vrull në rrjetet sociale Twitter dhe TikTok tregon aktorin britanik duke krijuar formën e shqiponjës me duar – simbolin që përfaqëson flamurin shqiptar.
Ndërsa përgatitet për foton, fansi e kërkon aktorit të bëjë shqiponjën me duar. Me një buzëqeshje dhe qasje të hapur, Holland pranon pa hezitim dhe formon simbolin e njohur, duke dëshmuar njëherësh sensin e tij të afërt dhe respektin për kulturën e fansave.
Ky moment i ndjerë ka bërë xhiron e internetit dhe ka nxitur reagime pozitive nga anëtarët e komunitetit shqiptar. Fansat kanë shpërndarë videon me ngazëllim, shprehur mirënjohjen dhe kënaqësinë ndaj Hollandit për gjestin që simbolizon një akt nderimi dhe bashkimi midis kulturave.
