Tre persona janë lënduar në Mitrovicë si pasojë e goditjeve që kanë marrë nga një veturë.
Një aksident trafiku ka ndodhur sot rreth orës 14:00 në rrugën “Mbretëresha Teutë” në Mitrovicë, ku një veturë ka goditur tre këmbësorë.
Si pasojë e aksidentit tre këmbësorët kanë pësuar lëndime trupore dhe të njëjtit janë dërguar për trajtim mjekësor.
Kjo është konfirmuar për Demokracia.com nga zëdhënësi i Policisë së Kosovës për rajonin e Mitrovicës, Avni Zahiti.
“Sot rreth orës 14:00, në rrugën “Mbretëresha Teutë” në Mitrovicë, ka ndodhur një aksident trafiku në mes të një automjeti dhe tre (3) këmbësorëve. Si pasojë e aksidentit tre këmbësorët kanë pësuar lëndime trupore. Të njëjtit janë dërguar për trajtim mjekësor”, ka thënë Zahiti.
Ai ka thënë se hetuesit e trafikut janë duke u marrë me rastin, përderisa nuk është bërë ë ditur nëse është arrestuar personi që ka goditur këmbësorët. /Demokracia.com/