Mëngjesin e sotëm rreth orës 07:30, është raportuar për një aksident trafiku të ndodhur në fshatin Palaj të komunës së Obiliqit. Për pasojë ka vdekur një person dhe katër të tjerë janë lënduar.

Nga informatat e para bëhet e ditur se në aksident janë përfshirë një autobus dhe një veturë.

Njësia rajonale e trafikut ka dalë në vendin e ngjarjes dhe ka nisur një hetim lidhur me rrethanat e këtij aksidenti.