Ushtruesja e detyrës së Presidentit, Vjosa Osmani priti në takim ambasadorin e Mbretërisë së Bashkuar, Nicholas Abott.
Sipas komunikatës për medie të Presidencës në takim u diskutua për sulmet e fundit siç thuhet aty me prapavijë politike dhe për mbrojtjen e të drejtave dhe sigursë së qytetarëve, shkruan Demokracia.com.
“Palët diskutuan edhe për zhvillimet e fundit në vend dhe sulmet me prapavijë politike, duke bërë thirrje për mbrojtjen e të drejtave dhe sigurisë së qytetarëve tanë si dhe për hetim të plotë e sa më të shpejtë të rasteve”, thuhet në komunikatë.
Ambasadori Abott e uroi Osmanin për rezultatin e zgjedhjeve dhe pret që sa më shpejtë të themelohen institucionet e vendit.
“Në takim u diskutua për rëndësinë e themelimit sa më të shpejtë të institucioneve në vend dhe përkushtimin e plotë drejt përmbushjes së pritshmerive dhe kërkesave të qytetarëve të Kosovës, që përfundimisht ndikojnë në përmirësimin e mirëqenies së tyre”, thuhet më tutje në komunikatë./Demokracia.com/