Një lokal në Prishtinë ka ndaluar hyrjen e shtetasve të Bashkimit Evropian si formë për të kundërshtuar mosliberalizimin e vizave.

Kufijtë e çdo shteti të Bashkimit Evropian mund t’i kalojnë lehtësisht.

Por, familjarët e Sanije Kadriu – Demirit, nuk do të kishin mundësi që t’i kalonin edhe dyert e këtij lokali, për ta pirë një kafe me të.

Kjo pasi që ky lokal ka ndaluar hyrjen e atyre që janë të pajisur me vizë.

Në këtë formë, nga ky lokal kanë organizuar protestë për të kundërshtuar faktin që kosovarët vazhdojnë ta kenë të kufizuar lëvizjen.

Ideja e menaxhmentit të lokalit po vlerësohet nga klientët.

Ideja për këtë protestë erdhi më 23 qershor, kur shumë qytetarë prisnin liberalizimin e vizave.

Por, a e morën mesazhin shtetasit e Bashkimit Evropian?

Pronari i këtij lokali në Prishtinë ka treguar se këtë protestë do ta vazhdojnë deri kur të liberalizohen vizat për Kosovën.