Ish-kryetari i Asamblesë së Gjyqtarëve të EULEX-it, Malcolm Simmons, i është përgjigjur deklaratave të raportueses së Kosovës në Parlamentin Europian, Viola von Cramon.

Simmons thotë se pretendimeve të tij, Von Cramon i referohet si “dështimit për të njoftuar autoritetet e BE-së për parregullsi”, transmeton Demokracia.com.

“Në deklaratën e saj Viola von Cramen i referohet pretendimit tim “dështimit për të njoftuar autoritetet e BE-së për parregullsi”. Në fakt, unë e lajmërova BE-në në shumë raste për “parregullsi” në EULEX mes vitit 2013 dhe 2016. Asnjë nga ato ankesa nuk ishte objekt i një hetimi. Në të vërtetë, në një rast, në një përgjigje me shkrim, ish-Komandanti i Operacioneve Civile madje udhëzoi EULEX-in të mos ndërmarrë ndonjë veprim. Në një e-mail për shefin e Divizionit Ekzekutiv të EULEX-it unë shpreha zhgënjimin për dështimin e EULEX-it për të filluar një hetim. Unë gjithashtu i referova dy raste tek OLAF, agjencia e BE-së kundër mashtrimit pasi EULEX refuzoi të kryejë një hetim. Prandaj, të sugjerosh që nuk arrita të informoj autoritetet e BE-së për sjelljen e keqe është thjesht e gabuar”, tha Simmon.

Simmons më tej tha se në vitin 2017, BE-ja kishte caktuar një ekip për të hetuar pretendimet e tij për sjellje të keqe, mirëpo sipas tij, nuk ishte hetim i pavarur.

“Personat që BE-ja vuri në krye të këtij hetimi ishin vetë personat që unë kisha akuzuar për sjellje të keqe. Hetuesit, përfshirë një ish-gjykatës të Gjykatës Europiane të Drejtësisë, po merrnin email-et e mia private duke i  hakuar ato. Ky nuk ishte një hetim i pavarur dhe nuk ishte menduar kurrë që do të bëhej. Përkundër kërkesave të përsëritura drejtuar BE-së dhe shteteve anëtare, BE-ja dështoi të caktojë një ekip të pavarur për të hetuar pretendimet e mia”, shtoi më tutje Simmon.

Ai tha më tutje se BE-ja gjithashtu dështoi të kryejë një hetim të pavarur në piraterinë e email-eve të mia private nga një gjykatës tjetër i EULEX-it.

“Në vend të kësaj, një hetim u krye nga EULEX-i. Kur kërkova që ish-gjyqtari i Gjykatës Europiane të Drejtësisë që po zhvillonte hetimin kundër meje (dhe i cili kishte poseduar email-et e mia private të hakuara) të intervistohej, unë u informova nga EULEX-i që ka qenë “e mbyllur”. Nuk më dhanë asnjë shpjegim. Kur përfundimisht mu dha mundësia e hyrjes në dosjen e hetimit, ai përmbante vetëm një dokument dhe ai ishte njoftimi për mua duke më informuar se hetimi ishte mbyllur”, tha Simmons.

Sipas Simmons, këto nuk ishin rastet e vetme që BE-ja dështoi të kryejë hetime të drejta dhe të paanshme.

“Hetimi mbi akuzat kundër meje u krye nga vetë personat që unë kisha akuzuar për sjellje të keqe. Ata persona dhe hetuesit ishin në posedim të email-eve të mia private të hakuara. Bordi që dëgjoi ato pretendime përbëhej nga tre anëtarë. Vetëm një anëtar i Bordit ishte gjyqtar. Anëtarët e tjerë përfshinin një oficer të logjistikës të punësuar nga departamenti që nisi hetimin i cili ishte në varësi të vetë personave që unë kisha akuzuar për sjellje të rëndë. Në gjykimet e saj, Gjykata Europiane e të Drejtave të Njeriut ka qenë shumë e qartë: bordet disiplinore në procedurat kundër gjyqtarëve duhet të përbëjnë shumicën e gjyqtarëve. Në rastin tim vetëm një anëtar ishte gjyqtar. Sidoqoftë, ky nuk ishte abuzimi i vetëm me procesin disiplinor. Bordi injoroi prova të rëndësishme shfajësuese. Unë nuk isha i pranishëm kur bordi intervistoi dëshmitarë. Nuk më lejohej të merrja në pyetje dëshmitarë. Në vend të kësaj, mua më është dërguar ajo që bordi i referohej si një “rezyme” e provave të tyre. Nuk kisha mundësi të sfidoja provat e tyre ose të bëja pyetjet e mia. Dëshmitarët që unë i propozova bordit të thirreshin për të dhënë dëshmi u injoruan nga bordi. Unë paraqita një apel që u dëgjua nga një bord i apelit i përbërë nga tre gjykatës të BE-së. Kjo ankesë u dëgjua në maj të vitit 2019. Bordi i Apelit injoroi aktgjykimet e Gjykatës Europiane të të Drejtave të Njeriut dhe injoroi Konventat dhe Kartat Ndërkombëtare. Bordi i Ankesave gjithashtu injoroi nenin 6 të Konventës Europiane për të Drejtat e Njeriut që parashikon që unë kisha të drejtë të gjykohesha “… nga një gjykatë e pavarur dhe e paanshme e krijuar me ligj”. Në rastin tim një anëtar i bordit nuk ishte vetëm një punonjës i departamentit që filloi procedimet disiplinore kundër meje, por, më e rëndësishmja, ishte në varësi të një personi që unë kisha akuzuar për sjellje të rëndë”, tha Simmons më tutje.

Simmons shtoi se kjo gjykatë nuk ishte një gjykatë e paanshme dhe, sipas tij anjëherë nuk ishte menduar të ishte një gjykatë e paanshme.

“Zonja von Cramen, shpresoj se tani do të jetë e qartë pse nuk kam besim në BE-ja për të kryer një hetim të pavarur, të drejtë dhe të paanshëm. Shpresoj se do të vlerësoni edhe pse zgjodha t’i referoj këto dhe çështje të tjera në Kuvendin e Kosovës. Më në fund, deklarata ime në Kuvendin e Kosovës, në një farë aspekti, ishte e përgjithësuar. Kjo thjesht sepse ishte një seancë dëgjimore për të përcaktuar nëse do të hapte një hetim të plotë. Në rast se Kuvendi vendos të hap një hetim të plotë, unë do të paraqes prova të hollësishme duke përfshirë e-mail, raporte, deklarata dhe prova audio”, tha Simmons, transmeton Demokracia.com.

Ky reagim i Simmons është marrë nga einnews.

Ai shtoi se Kosova është një shtet i pavarur, sovran dhe është çështje e institucioneve të saj demokratike nëse duhet të kryejnë një hetim të plotë për këto çështje.

Kujtomë se Von Cramon përmes një postimi në rrjetin social “Twitter”, kishte reaguar për deklarata e ish-kryetari i Asamblesë së gjyqtarëve për misionin e sundimit të ligjit të BE-së në Kosovë, Malcolm Simmons, i cili iu drejtua Kuvendit së Kosovës për të folur mbi akuzat në lidhje me misionin EULEX..

“Ndërsa pranojmë rëndësinë e sinjalizuesve dhe funksionin e tyre në ndriçimin e keqbërjeve të çdo lloji, shumë pyetje lindin me akuzat e Z. Simmons. Midis këtyre janë qasja sistematike dhe e llogaritur me të cilën u zbuluan akuzat si dhe dështimi për të paralajmëruar autoritetet e BE-së për parregullsitë në momentin e menjëhershëm kur ai ishte i vetëdijshëm për këto”, ka shkruar von Cramon, përcjell Demokracia.com.

Von Cramon kishte shkruar më tej se për të kontribuar në këtë qëllim, një seancë dëgjimore brenda kamerave duhet të zhvillohet brenda Parlamentit Europian, në mënyrë që besueshmëria e institucioneve të ruhet në çdo kohë./Demokracia.com/