Aktori i njohur i humorit, Elvis Pula dhe bashkëshortja e tij Belina Pupa po akuzohen në Australi për kultivimin e bimëve narkotike. Mediat australiane shkruajnë se Belina Pupa, 39 vjeç, ka dalë para gjykatës pasi akuzohet se ka mbjellë 43 bimë kanabisi në oborrin e saj.

Ndërsa për aktorin u raportua se është arratisur nga vendi.

Sipas mediave australiane, Belina në gjyq kërkoi që të mos i kufizohet lëvizja, pasi duhet të udhëtojë jashtë shtetit për çështje pune. Ajo posedon biznese në Shqipëri, SHBA, dhe në Australi.

Sipas dokumenteve të gjykatës, të publikuara nga mediat australiane, ata kanë mbjellë kanabis nga janari deri në prill të këtij viti. Prokurorët kanë kundërshtuar kërkesën e zonjës Pupa për të lëvizur jashtë Australisë, për shkak të akuzave të rënda dhe faktit që bashkëshorti i saj është në arrati.

Belina Pupa përballet me akuza për kultivim të një sasie të madhe kanabisi dhe ndërhyrje të paligjshme në rrjetin e energjisë elektrike, ndërsa po ashtu i bashkë-akuzuar është edhe aktori.

Pas këtyre lajmeve, nuk ka munguar reagimi i çiftit.