Sulmuesi anësor spanjoll, Lamine Yamal është gati të nënshkruajë një kontratë të re revolucionare me Barcelonën.

Sipas gazetarit Toni Juanmarti, kontrata e re e Yamal me Barçëm do të përfshijë një bonus të veçantë të lidhur me Topin e Artë dhe mund ta bëjë atë lojtarin më të paguar në skuadër.

Adoleshenti, i cili mbush 18 vjeç në korrik, është bërë shpejt një nga figurat më të rëndësishme në skuadrën e Hansi Flick dhe tani po shpërblehet me një kontratë afatgjatë që pasqyron rritjen e tij të shpejtë.

Ndërsa paga e tij fikse do të mbetet në përputhje me politikën e klubit për lojtarët e rinj, marrëveshja e propozuar është e peshuar shumë me stimuj apo bonuse të bazuara në performancë dhe arritje.

Një nga detajet më tërheqëse në kontratë është një klauzolë bonusi e konsiderueshme e lidhur posaçërisht me fitimin e Topit të Artë – një veprim që nxjerr në pah besimin e klubit në potencialin e klasit botëror të Yamal.

Barcelona thuhet se është e vendosur ta mbajë yllin e tyre të ri të lumtur dhe të përkushtuar, dhe beson se bonuse të tilla mund ta motivojnë atë të arrijë majën e futbollit botëror.

Nëse Yamal i përmbush kushtet e përcaktuara sportive, ai mund t’i kalojë të gjithë lojtarët e tjerë në skuadrën aktuale për sa i përket të ardhurave, përfshirë veteranët si Robert Lewandowski dhe Frenkie de Jong.

Barcelona e sheh Yamalin si fytyrën e projektit të tyre afatgjatë dhe është gati ta finalizojë marrëveshjen sapo ai të mbushë 18 vjeç më 13 korrik.