Të paktën tetë persona janë plagosur në disa sulme që tronditën gjatë natës Kievin, në një sulm masiv rus me dronë dhe raketa.

Dy persona janë plagosur në rrethin Dnjeprovski, tha kryetari i bashkisë së Kievit, Vitali Klitschko.

Në rrethin Sviatoshynskyi shpërtheu zjarr në një ndërtesë pas sulmit, dhe të paktën dy persona përfunduan në spital.

Zjarri përfshiu edhe një ndërtesë banimi në rrethin Obolonskyi, raportojnë mediat.

Ukraina u përgjigj me mbrojtjen kundërajrore ndaj sulmit, ndërsa dëshmitarët tregojnë për një numër të madh dronësh që fluturonin mbi Kievin dhe për shpërthime të fuqishme që tronditën qytetin.

Që nga fillimi i sulmit, Rusia ka përdorur në mënyrë të përsëritur raketa dhe dronë për të goditur infrastrukturën civile të Ukrainës. /Telegrafi/